Джикия "Антальяспор"даги ҳолати ҳақида қисқа фикр билдирди

"Антальяспор" ҳимоячиси Георгий Джикия Туркиядаги клубида ўзини қандай ҳис қилаётгани ҳақида гапирди. 32 ёшли футболчининг сўзлари акс этган видеони "FNL s Ilovym" телеграм-канали эълон қилди. Бу ҳақда euro-football.ru хабар беради.

Журналистларнинг "Антальяспор"даги ишлар қандай кетаётгани ҳақидаги саволига Джикия "Ҳаммаси яхши, раҳмат" дея жавоб берди.

Туркиядаги шароитлар уни тўлиқ қониқтираяптими, деган саволга эса ҳимоячи кулимсираб: "Туркияда ҳаммаси жойида", деди.

Джикия "Антальяспор" сафига ўтган ёзда қўшилган. Шундан бери у жамоа таркибида 13 та учрашув ўтказиб, 2 та гол урди.

Ҳозир "Антальяспор" Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13-февраль куни ўз майдонида "Самсунспор"га қарши ўтказади.