«Бока Хуниорс» клубида янги спорт директори тайинланди

Аргентина гранди «Бока Хуниорс» спорт директори лавозимига Марсело Делгадони олиб келди. Клуб раҳбарияти у президент Хуан Рикелме билан бевосита ҳамкорликда ишлашини маълум қилди. Бу ҳақда euro-football.ru хабар беради.

Жамоа таркибини тез фурсатда кучайтириш зарурати фонида Делгадо ва Рикелме тандемининг трансфер масалаларида фаол ишлаши кутилмоқда.

Делгадо футболчилик фаолиятида ҳам катта тажриба тўплаган: у 1995–2002 йилларда Аргентина терма жамоаси сафида 18 учрашувда майдонга тушган ва 1998 йилги Жаҳон чемпионатида ҳам иштирок этган.

Шунингдек, у 2003 йилда Либертадорес кубогининг энг яхши тўпурари бўлган. Делгадо бу совринни «Сантос» ҳужумчиси Рикардо Оливейра билан бирга қўлга киритган.