Флик «Барселона» учун янги ҳимоячи танлади — «Реал» зарар кўриши мумкин

«Барселона» бош мураббийи Ҳанс-Дитер Флик жамоасининг ҳимоядаги ҳаракатларидан қониқмаяпти. Немис мутахассиси мудофаа чизиғини қайта қуриш зарур, деб ҳисоблайди. Бу ҳақда euro-football.ru хабар беради.

The Touchline хабарига кўра, Флик трансфер бозорида «Боруссия» ҳимоячиси Нико Шлоттербек учун кураш олиб боришни қатъий талаб қилмоқчи. «Кўк-анорранглилар» устози бу позициясини спорт директори Деккуга етказади.

Ушбу вазиятдан «Реал» ҳам жабр кўриши эҳтимол: сўнгги пайтларда мадридлик гранд клуб Шлоттербек билан фаол боғланаётгани ҳақида кўп ёзилмоқда.

Transfermarkt мутахассислари 26 ёшли Нико Шлоттербекни 55 миллион еврога баҳоламоқда.