Фонсека Трампни танқид қилди ва мундиални АҚШда ўтказмасликни айтди

Донецкнинг “Шахтёр”и ҳамда “Милан”нинг собиқ бош мураббийи Паулу Фонсека яна сиёсий мавзудаги баёноти билан эътиборга тушди. У футбол бўйича жаҳон чемпионатини АҚШда ўтказишга қарши эканини билдириб, бу борада кескин фикрлар айтди. Бу ҳақда euro-football.ru хабар беради.

Фонсека сўзларига кўра, АҚШ президенти Доналд Трампнинг ёндашуви аввало ўз манфаатларини илгари суришдан иборат. “У одамлар ҳақида ўйламайди, у фақат пулни ўйлайди. Футболни чин дилдан севувчи мухлислар ва унга содиқ инсонлар бошқа жойда рақобатлашиши керак, АҚШда эмас”, — дея унинг фикрларини derbyderbyderby.it келтирди.

Эслатиб ўтамиз, мундиал 11 июнь куни старт олади.