Диего Коста Симеоненинг кучли ва ожиз томонларини айтди

Мадриднинг «Атлетико» клубида ўйнаган Диего Коста жамоа бош мураббийи Диего Симеоненинг характери ва иш услуби ҳақида фикр билдирди. Бу ҳақда euro-football.ru хабар беради.

Ҳужумчи «матрасчилар» сафида 2007–2014 йилларда тўп сурган, кейин «Челси»га трансфер қилинган. 2018 йилда у яна Мадридга қайтиб, клубда яна уч мавсум ўйнади.

Костанинг айтишича, Симеоненинг энг кучли томони — мотивация бера олиши: у футболчиларга ўзига ишонишни сингдиради. Энг нохуш жиҳат сифатида эса мураббийнинг масофадорлигини тилга олди — Коста фикрича, Симеоне айрим ўйинчилар, айниқса ўзи муҳим деб билмаганлар билан совуққон бўлган. Шунга қарамай, у «Чоло» ҳозир ўзгарганини, жамоага яқинроқ ва ҳиссиётлироқ бўлиб қолганини таъкидлади.

Диего Симеоне 2011 йил охиридан бери «Атлетико» бошқарувида ишлаб келмоқда.