Флик: "Атлетико"га қарши жавоб баҳсида ўз услубимиздан чекинмаймиз
Чемпионлар Лигаси чоракфинали доирасидаги “Атлетико”га қарши жавоб учрашуви олдидан “Барселона” бош мураббийи Ҳанс-Дитер Флик жамоа ўз ўйин услубига содиқ қолиши шартлигини таъкидлади.
Фликнинг айтишича, улар рақибга қарши кучли ва уюшган кураш таклиф қилишни мақсад қилган. Унинг фикрича, катта натижа учун мўъжиза керак эмас — асосийси, жамоа ўз футболини тўлиқ намоён эта олиши.
— “Бизга мўъжиза шарт эмас, фақат ўз футболимизни кўрсатишимиз керак. Буни амалга оширишга қодирмиз. Имкониятларимиз ҳам етарли даражада кўп”, — деди мураббий.
Флик “Атлетико”ни юқори савиядаги, тажрибали жамоа сифатида баҳолар экан, бироқ “Барселона” ҳам улар билан тенг кучда эканини урғулади. У жамоа охиригача курашишини ва мухлисларнинг қўллаб-қувватлаши ҳал қилувчи роль ўйнашига ишонч билдирди.
Бу баёнот “Барселона”нинг “Эспаньол”га қарши дербидаги йирик ғалабаси (4:1)дан кейин берилди. Жамоа ҳозир юқори кайфиятда жавоб учрашувига тайёрланмоқда.
