Чемпионлар лигаси ҳафтасининг энг яхши футболчилари эълон қилинди

Европанинг энг нуфузли клублар турнири — Чемпионлар лигаси расмий саҳифаси ижтимоий тармоқларда ҳафтанинг энг яхши футболчиларидан иборат рамзий жамоани тақдим этди. Бу рўйхатда турли гранд клублар вакиллари жой олгани мухлислар ўртасида катта қизиқиш уйғотди.

Дарвозабонлар орасида Хуан Муссо (“Атлетико” Мадрид) энг яхши деб топилди. Ушбу турда унинг ишончли ўйини жамоасига муҳим ёрдам бергани қайд этилди.

Ҳимоя чизиғида Маркинёс (“PSJ”), Дайо Упамекано (“Бавария”) ва Эдуардо Куарежма (“Спортинг”) каби футболчилар ўз ўрнини топди.

Ярим ҳимояда эса юқори даражадаги ижрочилар жамланган: Йозуа Киммих (“Бавария”), Мартин Субименди (“Арсенал”), Маркос Лёренте (“Атлетико” Мадрид) ва Арда Гюлер (“Реал” Мадрид) ўз ўйини билан ажралиб турди.

Ҳужум чизиғида эса самарали ҳаракатлари билан ажралган Майкл Олисе (“Бавария”), Усмон Дембеле (“PSJ”) ва Ферран Торрес (“Барселона”) танлаб олинди.

Қайд этиш жоиз, айнан Майкл Олисе ҳафтанинг энг яхши футболчиси сифатида эътироф этилди. Унинг ўйини нафақат мухлислар, балки мутахассислар томонидан ҳам юқори баҳоланди.

Маълумот ўрнида, жорий мавсум финали Венгрия пойтахти Будапештдаги Пушкаш Арена стадионида бўлиб ўтади. Ҳал қилувчи баҳс 2026 йил 30 май кунига белгиланган.

Эслатиб ўтамиз, мусобақанинг амалдаги ғолиби — PSJ ҳисобланади. Бу йилги турнир эса яна-да қизиқарли ва кескин курашларга бой бўлиши кутилмоқда.