Бруно Фернандес Англия Премер-лигаси рекордини такрорлади
Манчестер Юнайтед сардори Бруно Фернандес Англия Премер-лигаси тарихига кирди. Португалиялик яримҳимоячи Ноттингҳам Форестга қарши ўйинда ўзининг мавсумдаги 20-голли узатмасини амалга ошириб, бир мавсумдаги ассистлар сони бўйича мутлақ рекордни такрорлади. Бу ҳақда Goal.com хабар беради.
Ушбу натижа билан Фернандес Премер-лига афсоналари — Тҳиеррй Генри (2002/03-йилги мавсум) ва Манчестер Сити юлдузи Кевин Де Бруйне (2019/20-йилги мавсум) билан бир қаторга жойлашди. Бруно жорий мавсумда жамоасининг асосий креатив кучига айланиб, ФВА талқинига кўра йилнинг энг яхши футболчиси деб топилди.
Рекордга эришиш йўлида Фернандес аввалига Месут Озилнинг кўрсаткичини ортда қолдирди. Ноттингҳам Форест дарвозасига Брян Мбеумо томонидан киритилган голга ассистентлик қилган футболчи, узоқ кутилган 20-голли узатмасини расмийлаштирди.
Sky Sports нашрига берган интервюсида Бруно Фернандес бу рекорд унинг учун катта аҳамиятга эга эканлигини яширмади. У Тҳиеррй Генри ва Кевин Де Бруйне каби буюк ўйинчилар билан бир қаторда тилга олинаётганидан фахрланишини таъкидлади.
