Галатасарой Жулиан Брандтни ўз сафига қўшиб олмоқчи
Туркия чемпиони Галатасарой ёзги трансфер ойнасида Боруссия Боруссия Боруссия Боруссия Боруссия Дортмунд билан шартномаси якунланаётган ярим ҳимоячи Жулиан Брандтни ўз сафига қўшиб олишни режалаштирмоқда. Sky хабарига кўра, Истанбул клуби аллақачон футболчи билан музокараларни бошлаган ва унинг маош талабларини қондиришга тайёр. Бу ҳақда Goal.com хабар беради.
Германия терма жамоаси сафида 48 та ўйин ўтказган Брандт келажаги борасида ҳали якуний қарорга келмаган. Футболчи ўзининг кейинги фаолиятини юқори савиядаги Европа клубида давом эттиришни истамоқда. Гарчи Галатасарой уни ўз сафига қўшиб олишга умид қилаётган бўлса-да, манбаларга кўра, ярим ҳимоячининг устувор мақсади Испания чемпионатига ўтишдир.
Брандтга Барселона, Атлетико Мадрид ва Вилярреал каби клублар қизиқиш билдирмоқда. Футболчи айни дамда испан тилини ўрганаётгани унинг Ла Лигага ўтиш эҳтимолини оширмоқда. Шу билан бирга, у Японияга ёки АҚШга кўчиб ўтиш вариантларини ҳозирча кўриб чиқмаяпти.
Етти йил давомида Боруссия Боруссия Боруссия Боруссия Боруссия Дортмунд сафида 307 та ўйинда майдонга тушган Брандт 57 та гол уриб, 70 та голли узатмани амалга оширган. Нико Ковач бошчилигидаги жамоада муҳим ўйинчи бўлган ярим ҳимоячи билан шартномани узайтириш бўйича келишувга эришилмагани сабабли, у ёзда эркин агент сифатида клубни тарк этади.
