Шоҳжаҳон Эргашев Ўзбекистонда қандай кутиб олинди? (Фото)

Хабарингиз бор, 12 январ куни Нью-Йорк шаҳрида енгилмас профессионал боксчимиз Шоҳжаҳон Эргашев (12-0, КО 12) ўзининг навбатдаги жангини мезбон боксчи Сони Фредриксонга (19-1-0, КО12) қарши ўтказиб, рақибини 3-раунддаёқ нокаутга учратган эди.

Боксчимиз бугун юртимизга қайтиб келди. Уни Тошкент халқаро аэропортида яқинлари, ОАВ ходимлари ва кенг жамоатчилик илиқ кутиб олишди.

Эслатиб ўтамиз, жаҳоннинг энг кучли ТОП-10лиги учун кураш олиб борилган жангдаги ғалабадан сўнг ҳамюртимиз чемпионлик учун жангга яна бир қадам ташлади.