Марадона Аргентина чемпионатининг сўнгги ўриндаги жамоасига бош мураббий бўлди

^{Фото: Getty Images}
Аргентина миллий жамоасининг собиқ бош мураббийи Диего Марадона Ла-Платанинг «Химнасия» клубини бошқаради. Бу ҳақда клуб расмий сайти маълум қилди.

58 ёшли мутахассис Аргентина клуби билан мавсум сўнггигача мўлжалланган шартнома имзолади.

Марадонанинг сўнгги иш жойи Мексиканинг иккинчи дивизиони вакили – «Дорадос» жамоаси эди, у июнь ойида елкаси ва тиззасидан операция қилингани туфайли клубни тарк этганди.

Аргентина Премьер-лигасининг жорий мавсумида «Химнасия» клуби 5та ўйиннинг 4тасида мағлубиятга учради ва 1 очко билан жадвалда сўнгги ўринда бормоқда.