Дарвозабон ҳам гол урди: Алиссонинг 90+5-дақиқадаги голи «Ливерпуль»га ғалаба келтирди

Футбол бўйича Англия Премьер Лигасининг 36-туридан ўрин олган баҳсда «Ливерпуль» 16 май, якшанба куни «Вест Бромвич»га қарши баҳс юритди.

Учрашувнинг 15-дақиқасида Ҳел Робсон-Кану мезбонларни ҳисобда олдинга олиб чиқди. 33-дақиқага келиб, Муҳаммад Салоҳ мувозанатни тиклашга эришди. 90+5-дақиқада эса «Ливерпуль» дарвозабони Алиссон бурчакдан оширилган тўпни боши билан дарвозага жойлаб қўйди ва жамоасига ғалаба келтирди.

Ушбу ғалабадан кейин Мерсисайд клубининг очколари 63 тага етди, жамоа мусобақа жадвалида 5-ўринга кўтарилди. «Вест Бромвич» (26) эса 19-ўринда бормоқда.

«Вест Бромвич» – «Ливерпуль» 1:2

Голлар: 1:0 – 15 Робсон-Кану, 1:1 – 33 Салоҳ, 1:2 – 90 Алиссон.
«Вест Бромвич»: Жонстон, Бартли, Таунсенд, Ажайи, Ферлонг, Диангана (Мэйтленд-Найлз, 73), Ёкушлу (Ливермор, 75), Галлахер, Филлипс, Матеус Перейра, Робсон-Кану (Грант, 82).
«Ливерпуль»: Алиссон, Робертсон, Александер-Арнольд, Уильямс (Вейналдум, 84), Филлипс, Жонс (Шакири, 59), Фабиньо, Салоҳ, Тиаго Алькантара, Мане, Фирмино.