Google интернет бўйлаб харидларни бошқарувчи Универсал Карт тизимини тақдим этди
Google И/О конференциясида компания интернетдаги барча харидларни ягона марказда бошқариш имконини берувчи Универсал Карт тизимини эълон қилди. Ушбу янгилик сунъий интеллект ёрдамчилари шунчаки тавсия берувчи воситалардан электрон тижоратнинг фаол иштирокчиларига айланишини англатади. Фойдаланувчилар эндиликда Google Search, Gemini, YouTube ёки Gmail орқали маҳсулотларни ягона саватга қўшишлари мумкин. Бу ҳақда Techcrunch.com хабар беради.
Универсал Карт тизими нархлар ўзгаришини кузатиб боради, чегирмалар ҳақида хабар беради ва маҳсулотлар захираси тугаганда фойдаланувчини огоҳлантиради. Шунингдек, тизим AI ёрдамида харидорларга тўғри қарор қабул қилишда ёрдам беради. Масалан, компьютер қисмларини йиғишда мос келмайдиган деталлар ҳақида огоҳлантириб, муқобил вариантларни таклиф қилади.
Компания, шунингдек, Агент Paymeнтс Proтокол (АП2) янгиланишини тақдим этди. Бу технология фойдаланувчиларга сунъий интеллект агентларига белгиланган лимитлар доирасида ўз номидан тўловларни амалга оширишга рухсат бериш имконини беради. Фойдаланувчилар харид қилинадиган брендлар ва сарф-харажатлар чегарасини олдиндан белгилаб қўйишлари мумкин.
Универсал Коммерсе Proтокол (УКП) орқали харидорлар тўғридан-тўғри Google орқали ёки савдогар сайтига ўтиб харидни якунлашлари мумкин. Ҳозирда ушбу функция АҚШда ишга туширилган бўлиб, ёз ойларида Gemini иловасига, кейинчалик эса YouTube ва Gmail платформаларига ҳам интеграция қилинади. Келгусида хизмат қамрови Канада, Австралия ва Буюк Британиягача кенгайтирилиши режалаштирилган.
