Google Gemini Спарк: Gmail билан интеграциялашган янги сунъий интеллект ёрдамчиси

Google компанияси ўзининг Google И/О анжуманида Gemini базавий моделлари асосида яратилган Gemini Spark номли янги агентли сунъий интеллект ёрдамчисини тақдим этди. Алпҳабет бош директори Sundar Pichai ушбу технологияни рақамли ҳаётни бошқаришда инсон номидан ҳаракат қила оладиган янги авлод ёрдамчиси сифатида таърифлади. Бу ҳақда Techcrunch.com хабар беради.

Gemini Spark'нинг асосий устунлиги унинг Google Воркспасе экотизими, хусусан Gmail, Google Docs ва бошқа хизматлар билан чуқур интеграциялашганидир. Фойдаланувчилар агентга тўғридан-тўғри электрон почта орқали топшириқлар бериши мумкин, тизим эса Chrome браузери орқали интернетда мустақил ҳаракатланиб, мураккаб вазифаларни бажаришга қодир.

Google Cloud'даги виртуал машиналарда ишловчи ушбу ёрдамчи компьютер ўчиқ бўлганда ҳам ўз фаолиятини давом эттира олади. Android Ҳало тизими орқали фойдаланувчилар агентнинг бажараётган ишларини реал вақт режимида кузатиб боришлари мумкин.

Google Лабс вице-президенти Жош Воодварднинг сўзларига кўра, Gemini Spark айниқса кичик бизнес вакиллари учун фойдали бўлиб, мижозлардан келаётган хатларни назорат қилиш ва уларга автоматик жавоблар тайёрлашда катта ёрдам беради. Ҳозирда синов босқичида бўлган ушбу хизмат келаси ҳафтадан бошлаб Google AI Ultra обуначилари учун тақдим этилади.