Honor Пад 20: 3К экран ва 10 100 мАс сиғимли аккумуляторга эга планшет
Honor компанияси ўзининг янги Пад 20 планшетини расман тақдим этди. Қурилма Хитой бозорида кулранг, яшил ва пушти рангларда сотувга чиқмоқда. Ҳозирда олдиндан буюртма бериш имконияти мавжуд, расмий савдолар эса 27-майдан бошланиши режалаштирилган. Планшетнинг 6/128 GB хотирага эга стандарт версияси 2099 юандан (тахминан 315 доллар) бошланади. Бу ҳақда Ixbt.com хабар беради.
Шунингдек, ишлаб чиқарувчи Софт Light Эдитион номли махсус модификацияни ҳам намойиш этди. Ушбу версия қоғоз текстурасини эслатувчи мот ва аксга қарши қопламали экранга эга бўлиб, унинг нархи хотира ҳажмига қараб 2499 юандан (375 доллар) 3399 юангача (510 доллар) етади. Қурилма 12,1 дюймли, 3К (3000 х 1872 пиксел) аниқликдаги ИПС-дисплей билан жиҳозланган бўлиб, у 120 Гс янгиланиш частотаси ва 700 нит ёрқинликни таъминлайди.
Планшетнинг аппарат қисми Snapdragon 7 Ген 3 чипсетига асосланган. Аккумулятор сиғими 10 100 мАс ни ташкил этади. Қурилма 66 В гача тезкор қувватлашни қўллаб-қувватласа-да, жамланмада 45 ваттли адаптер тақдим этилади. Овоз тизими олтита динамикдан иборат, олд ва асосий камералар эса бир хил — 8 мегапикселли аниқликка эга.
Honor Пад 20 планшети Android 16 асосидаги МагикОС 10 тизимида ишлайди. Талабалар учун махсус сунъий интеллект (AI) воситалари тўплами жорий этилган бўлиб, улар маърузаларни автоматик матнга айлантириш, ақлли қайдлар юритиш ва имтиҳонларга тайёрланишда ёрдам беради. Қурилма USB-C орқали уланадиган Honor Magic-Пенсил 4с стилусини ҳам қўллаб-қувватлайди.
Тақдимот доирасида Honor планшетдан ташқари Honor 600 Pro, Honor 600 Супер Эдитион, Honor 600 Виталитй Эдитион смартфонлари ҳамда Honor Watch 6 Plus ақлли соатларини ҳам намойиш этди.
