Бодринг организмга фойдали ёки зарарли ҳисобланадими?
Бодринг ёз мавсумида энг кўп истеъмол қилинадиган сабзавотлардан бири ҳисобланади. У таркибининг катта қисми сувдан иборат бўлгани сабаб организмни суюқлик билан таъминлашга ёрдам беради. Мутахассислар бодринг паст калорияли маҳсулот эканини ҳам таъкидламоқда.
Бодринг таркибида калий, магний ва бир қатор витаминлар мавжуд. Шу сабаб у организмдаги сув мувозанатини сақлаш, овқат ҳазм қилишни яхшилаш ва тери саломатлигини қўллаб-қувватлашга фойда бериши мумкин. Айрим мутахассислар бодрингни ёзги иссиқ кунларда организмни тетиклаштирувчи маҳсулот сифатида тавсия қилади.
Бироқ бодринг ҳамма учун бирдек фойдали эмаслиги айтилмоқда. Ошқозон-ичак тизимида муаммоси бор айрим инсонларда уни ортиқча истеъмол қилиш дам бўлиши ёки ноқулайлик келтириб чиқариши мумкин. Шунингдек, тузланган бодрингни кўп ейиш организмда ортиқча туз йиғилишига сабаб бўлиши эҳтимоли бор.
