Tailand va Kambodja o‘rtasida keskinlik kuchaymoqda

Mutaxassislar Tailand va Kambodja chegarasida portlagan minalar yangi qo‘yilganini aytmoqda. Ularning fikricha, topilgan minalar eski emas, hali yaxshi saqlangan.

Iyul oyida Tailand askari mina bosib olganidan so‘ng ikki davlat o‘rtasida qisqa jang bo‘lib o‘tgan. Keyinroq AQSh vositachiligida sulh tuzilgan.

Tailand minalarni Kambodja qo‘yganini da’vo qilmoqda, Kambodja esa bu ayblovni rad etib, minalar eski urush davridan qolganini bildirdi.

Tailand BMTga murojaat qilib, Kambodjani shartnomani buzishda aybladi. BMT esa ikki davlatni tinch yo‘l bilan kelishishga chaqirdi.