Amerikalik o‘qituvchi o‘quvchisini "shpagat" qilib o‘tirishga majburladi (video)

AQSHning Kolorado shtati Denver shahrida jismoniy tarbiya oʻqituvchisi 8-sinf oʻquvchisini shpagat (gimnastikadagi figuralarning bir turi - oyoqlarni bir chiziq boʻylab yirib oʻtirish) qilib oʻtirishga majburlaydi. Videodan maʼlumki, qiz ogʻriqdan baqirib yuboradi va “iltimos, toʻxtang!” deb yalinadi. Ammo oʻqituvchi va uning sinfdoshlari uni ushlab turishadi. Qizning ota-onasi farzandining travma olganligini bilib, oʻqituvchi ustidan maktab direktoriga shikoyat qilishadi. Hozirda vaziyat oʻrganilayotgani aytilmoqda.