Turkiya prezidenti I.Karimov qabrini ziyorat qildi

Kecha, 18 noyabr kuni Turkiya Prezidenti Rajab Tayyip Erdo‘g‘on O‘zbekiston Prezidenti vazifasini bajaruvchi Shavkat Mirziyoyev hamrohligida Hazrati Xizr majmuasida Islom Karimov qabrini ziyorat qildi. Bu haqda Turkiya hukumati rahbarining matbuot xizmati ma’lum qiladi, deyiladi \"Diydoraziz\" nashrida.

Erdo‘g‘on O‘zbekistonning Birinchi Prezidenti Islom Karimov qabriga gul qo‘ydi va uning xotirasiga hurmat bajo keltirdi. Islom Karimov ruhi poklariga Qur’on tilovat qilindi.