Navoiyda abituriyentlar hujjat topshirish uchun panjarani qulatib ichkariga yugurishdi (video)

Ayni damlarda O‘zbekiston OTMlariga hujjat qabul qilish qizg‘in pallaga kirdi. Abituriyentlar soni har qachongidan ko‘p bo‘lgani sabab bu yil hujjat qabul qilishda uzun navbatlar hosil bo‘lmoqda.

Ijtimoiy tarmoqlarda Navoiy pedagogika universitetida sodir bo‘lgan voqea tasviri tarqaldi. Unga ko‘ra, hujjat topshirishga kelgan abituriyentlar hatto muassasaning panjarali devorini qulatib ichkariga kirishganini ko‘rish mumkin. Videoda ko‘rinib turibdiki, ayrimlar jarohat ham olgan.