Zoxirshoh Jo‘rayev Botir Qodirov uning akasi ekani haqidagi mish-mishlarga nuqta qo‘ydi (video)

Zoxirshoh Jo‘rayev \"Milliy\" telekanalining \"Nishondasiz\" ko‘rsatuvida ishtirok etib, oilaviy mish-mishlarga nuqta qo‘ydi.

Ko‘rsatuv davomida boshlovchi Zoxirshohdan Botir Qodirov Sherali Jo‘rayevning farzandi ekani haqidagi mish-mishlarga oydinlik kiritishini so‘radi. \"Bu yolg‘on. Biz bu mish-mishlarni kulgi bilan qabul qilamiz. O‘ylaymanki, bu kabi mish-mishlarning tarqalishi Botir Qodirovning onasiga nisbatan katta hurmatsizlik\", - dedi Zoxirshoh. Qayd etish lozimki, Botir Qodirovning onasi Sherali Jo‘rayevning raqqosasi sifatida faoliyat ko‘rsatgan. Botir Qodirov xonandaning o‘g‘li bo‘lishi mumkinligi haqidagi mish-mishlar bundan bir necha yil ilgari tarqalgan edi.

Ma’lumot o‘rnida:
Bu gap-so‘zlarga jiddiy e’tibor qaratgan Sherali Jo‘rayev to‘ylardan birida qilgan chiqishida uning o‘g‘illari ikkita ekanini qayd etgan.