Zoir Mirzayev Chiroqchi tumanidagi mashhur bozorga bordi (foto)

^{Foto: Qashqadaryo viloyati hokimligi axborot xizmati}
Qashqadaryo viloyati hokimi Zoir Mirzayev Chiroqchi tumanidagi «Chiyal» jamoa xo‘jaligi hududida joylashgan bozorda bo‘ldi. Bu haqda Qashqadaryo viloyati hokimligi axborot xizmati xabar bergan.

«Mazasi og‘izda qolar yaxna go‘shti bor mashhur bozor bunday ko‘rinishda bo‘lishi biz mas’ullar uchun uyat. Qadimdan ota-bobolarimizdan qolgan naql bor: «Xalqning madaniyatini bilmoqchi bo‘lsangiz, o‘sha hududning bozori va mozorini borib ko‘ring», — deydi Zoir Mirzayev.

Viloyat hokimi va boshqa mutasaddi tashkilotlar rahbarlari bozor hududini ko‘zdan kechirib, kamchiliklarni o‘rgandi, mahalliy aholi vakillari hamda tadbirkorlarning takliflari asosida bozorni zamonaviy ko‘rinishdagi majmuaga aylantirishga kelishib olindi.