Qarshi shahriga Xitoydan zamonaviy avtobuslar olib kelindi

Qashqadaryo viloyati transport boshqarmasi xabariga ko‘ra, keltirilgan 30 ta avtobusda yo‘lovchilar uchun maksimal darajada qulayliklar yaratilgan. Jumladan, yumshoq o‘rindiqlar, sovutqich vositalari, salondagi iqlim nazorati, mukammal xavfsizlik tizimlari shular jumlasidan.

Qashqadaryoga yana \"Isuzu« rusumli 50 dona yangi avtobus ham olib kelingan. Bu avtobuslar transport boshqarmasi qoshida ochilgan \"Trans avto Qarshi\" sho‘’ba korxonasi ixtiyoriga beriladi va Qarshi shahridagi muhim yo‘nalishlarga joylashtiriladi.