Yashirilgan zargarlik buyumlari «yashil» yo‘lakdan o‘tolmadi

^{Foto: Davlat bojxona qo‘mitasi axborot xizmati}
Toshkent xalqaro aeroportiga xorijiy aviareys bilan uchib kelgan ikki nafar fuqaro F.Sh. va X.M. larning qo‘l yuklari o‘rnatilgan tartibda bojxona ko‘rigidan o‘tkazildi.

Natijada, yuklar orasida jismoniy shaxslar uchun bojxona to‘lovlarisiz olib o‘tish me’yoridan ortiq bo‘lgan va bojxona nazoratidan yashirilgan, kumushdan yasalgan og‘irligi 1240 gramm bo‘lgan zargarlik buyumlari borligi aniqlandi.

Mazkur holat bo‘yicha bojxona organlari tomonidan surishtiruv harakatlari davom ettirilmoqda.