Joʻrayevlar sulolasidan yangi duetlar (foto, video)

Shohjahon Joʻrayevning duetdoshi ajoyib ovoz sohibasi Rayhon boʻlib, ijodkorlar “Koʻzlari zebo” nomli taronalarini muxliclariga taqdim etdilar. Kutilmagan duet, Nuriddin Maʼno soʻzi va musiqasi bilan yaratilgan. Musiqiy sayfal Jasur Badalbayev tomonidan amalga oshirildi.

Yaqindagina oʻzining yakkaxon konsertini taqdim etgan Zohirshoh Joʻrayev esa xonanda Munisa Rizayeva bilan kuylagan taronalarining premyerasini oʻtkazdilar. “Arazlama” qoʻshigʻi Zohirshoh Joʻrayev konsert dasturida ilk bor jarang sochgan edi. Qoʻshiq soʻzi Muslim Ali qalamiga mansub, musiqa ustida esa Musaxon Nurmatov va Jasur Badalbayevlar ish olib borganlar.