“Bolonya” sport direktori Eldor Shomurodov borasidagi mish-mishlarga nuqta qo‘ydi

“Bolonya” klubi sport direktori Jovanni Sartori “Sport Ekspress” bilan suhbatda Eldor Shomurodovni “Roma”dan xarid qilishi mumkinligi haqidagi ma’lumotni rad etdi.

- “Roma” Belotti kelgani uchun Shomurodovni “Bolonya”ga sotishi haqidagi ma’lumotlar haqiqatga to‘g‘ri kelmaydi. Biz Eldorni sotib olmoqchi emasmiz, — dedi Sartori “Sport Ekspress”ga bergan intervyusida.

Avvalroq, “Roma” Shomurodovni “Bolonya”ga sotishi xabar qilingandi. Shuningdek o‘zbekistonlik futbolchiga “Torino”, “Sassuolo” va Angliyaning “Vulverxemton” klublari qiziqish bildirgani haqida mish-mishlar tarqalgan edi.