Shaxmat qiroli unvoni uchun uchrashuvning so‘nggi partiyasi keskin ruhda o‘tadigan bo‘ldi

Nyu-Yorkda shaxmat bo‘yicha jahon chempioni unvoni uchun rossiyalik shaxmat ustasi Sergey Karyakin va amaldagi jahon chempioni, norvegiyalik Magnus Karlsen o‘rtasida kechayotgan uchrashuvning 11-partiyasida navbatdagi durang natija qayd qilindi. Shundan keyin umumiy hisob 5,5:5,5 bo‘ldi.

Raqiblar o‘yin boshlangandan 3,5 soat o‘tgach, 34-yurishdan keyin potga rozi bo‘ldilar. Uchrashuvning so‘nggi 12-partiyasi 28 noyabrda bo‘lib o‘tadi. Karyakin qora figuralar bilan o‘ynaydi.

Eslatib o‘tamiz, dastlabki 7 ta partiya durang, 8-partiya Karyakin foydasiga, 9-partiya yana durang va 10-partiya norvegiyalikning g‘alabasi bilan yakunlangan. Agar 12-partiyada ham durang natija qayd qilinsa, unda shaxmatchilar 30 noyabrda tay-breyk o‘tkazadilar.