Isroil Madrimovga chempionlik janglari taklif qilinmoqda

Professional bokschimiz Isroil Madrimov navbatdagi bahs haqida fikr bildirdi.

\"Albatta, reytingdagi o‘rnimiz yaxshi. Ko‘pchilik bizdan jang kutishyapti. Bu borada promouterlarimiz bilan muzokara olib boryapmiz\", — dedi u.

Madrimovning ta’kidlashicha, menejeri Vadim Kornilov uning sog‘lig‘i holatini so‘rab, navbatdagi janglar uchun takliflar borligini ma’lum qilgan. U esa sog‘lig‘ini tiklab olganidan so‘ng albatta maydonga tayyor bo‘lishini aytgan.

\"Shuni aniq aytishim mumkinki, takliflar bor va asosan chempionlik bahslari uchun,\" — deya qo‘shdi Isroil Madrimov.