Barselona Yamalning Kurtoisga murojaatini rad etdi

Ispaniyada oʻtgan yakshanba kuni boʻlib oʻtgan "El-Klasiko" voqealari hali ham muhokama qilinmoqda. Madridning "Real" klubi 2:1 hisobida gʻalaba qozondi.

Oʻyin yakunida "qirollik klubi" futbolchilari "Barselona"ning yosh vingeri Lamin Yamalning "Real" haqida hurmatsiz izohlarini jazolashga qaror qilgani aytilmoqda. Mish-mishlarga koʻra, 16 yoshli Yamal "Real" posboni Thibaut Kurtoisni oʻyindan keyin maydon ortida muhokama qilishga taklif qilgan.

Biroq, Cadena SER nashrining "Barselona"ga yaqin manbalarga asoslangan xabariga koʻra, Yamalning soʻzlari notoʻgʻri talqin qilingan. Aslida, u "Ikkinchi davrada uchrashamiz" degan xolos.

"Barselona" hozirda La Liga joriy mavsumining oʻn turidan keyin "Real"dan besh ochko ortda bormoqda.