Barselona uch futbolchini sotib olmoqchi

Kataloniyaning \"Barselona\" jamoasi kelasi yozda bir nechta futbolchilarni tarkibga qoʻshishni rejalashtirmoqda. Bu haqda Mundo Deportivo nashri xabar berdi.

Manbaning maʼlumotiga koʻra, \"koʻk-anorranglilar\" uchta pozitsiyani kuchaytirishni maqsad qilgan. \"Barselona\" yangi markaziy hujumchi, markaziy himoyachi va hujumkor yarim himoyachini tarkibga qoʻshishni rejalashtirgan.

Hozirgi Ispaniya chempionatining mavsumida Hans-Diter Flik boshchiligidagi jamoa 13 ta oʻyindan soʻng 31 ochko toʻplab, turnir jadvalida ikkinchi pogʻonani egallab turibdi. Soʻnggi oʻyinda \"Barselona\" Chempionlar ligasi doirasida \"Chelsi\"ga 0:3 hisobida magʻlub boʻldi.