Gollar yoʻq, lekin ikki qizil kartochka bor

Ispaniya chempionati 15-turining yagona juma kuni oʻtkazilgan uchrashuvi "Real Oviedo" va "Malyorka" oʻrtasida boʻlib oʻtdi. Birinchi boʻlimda mezbonlar toʻpni koʻproq nazorat qilishdi va raqib darvozasiga zarbalarni koʻproq yoʻllashdi.

Shunga qaramay, mehmonlar koʻproq aniq zarbalar yoʻllashga muvaffaq boʻlishdi. Ammo tanaffusga qadar muxlislar gol koʻrmadi.

Ikkinchi boʻlimda oʻyin ritmi jiddiy oʻzgarmadi. "Real Oviedo" va "Malyorka" hujumlarda sust koʻrinishdi.

Mezbonlar faqat bir marta darvoza tomon aniq zarba yoʻllashdi. Oʻyin oxirida VAR tizimi aralashuvi natijasida mezbonlardan Sanьti Kasorla va Federiko Vinyas qoidabuzarliklari uchun qizil kartochka olishdi va jamoa oʻyinni toʻqqiz kishi boʻlib yakunladi.

Natijada uchrashuv 0:0 hisobida yakunlandi. "Malyorka" La Liga jadvalida 15-oʻrinda, "Real Oviedo" esa 19-oʻrinda bormoqda.