Liverpul Arsenalga qarshi bahsni antirekord bilan yakunladi

APLning 21-tur markaziy uchrashuvida Londonning «Arsenal» jamoasi «Liverpul»ni qabul qildi va tomonlar 0:0 hisobidagi durangga rozi bo‘ldi. Opta Analyst ma’lumotiga ko‘ra, bu bahsda mersisaydliklar yoqimsiz statistik qayd bilan ajralib turdi. Bu haqda euro-football.ru xabar beradi.

«Qizillar» Angliya premer-ligasi doirasida 16 yildan beri ilk bor o‘yin davomida darvoza to‘sig‘iga birorta ham aniq zarba bera olmadi. Oxirgi marta bunday holat 2010 yil martida «Liverpul» «Uigan»ga 0:1 hisobida yutqazgan uchrashuvda kuzatilgandi.

«Emireyts»dagi durangdan so‘ng Arne Slot boshqaruvidagi jamoa turnir jadvalida to‘rtinchi o‘rinda bormoqda. «Liverpul» APLning amaldagi chempioni hisoblanadi.