Barselona LCh g‘alabasiga bir darvozabon yetishmaganini o‘ylaydi
“Barselona” o‘tgan mavsum Chempionlar ligasidagi yurishini yarim finalda yakunlagan, kataloniyaliklar Milanning “Inter” jamoasiga ikki o‘yin natijasiga ko‘ra 6:7 hisobida imkoniyatni boy bergandi. Bu haqda euro-football.ru xabar beradi.
Jurnalist Adrian Sanches xabariga ko‘ra, klubdagi ayrim rahbarlar o‘sha kampaniyada tarkibda darvozabon Joan Garsiya bo‘lganida, “ko‘k-anorranglilar” Chempionlar ligasini yutishi mumkin edi, degan fikrda. 24 yoshli ispaniyalik posbon iyun oyida “Espanyol”dan 25 million yevro evaziga transfer qilingan.
Klubdagilar hozirgi jamoa o‘zagi Hans-Diter Flik qo‘l ostida eng katta maqsadlarga ham yetishi mumkinligini, shu bois qimmat transferlarga zarurat yo‘qligini ta’kidlashmoqda. Eslatib o‘tamiz, “Barselona” Chempionlar ligasi pley-off bosqichiga chiqishni allaqachon kafolatlagan, biroq umumiy bosqich yakunida 1/8 finalga to‘g‘ridan-to‘g‘ri yo‘llanmasiz qolib ketishi ham mumkin.
