David Trezege Buenos-Ayresda River Pleyt rahbariyatiga qaytdi

Turinning “Yuventus” klubi va Fransiya terma jamoasining sobiq hujumchisi David Trezege yana Argentinaga qaytdi. U avvalroq “River Pleyt” safida ham to‘p surib, hatto Argentina futbolining ikkinchi ligasida chempionlikni qo‘lga kiritgan edi. Bu haqda euro-football.ru xabar beradi.

Bu gal Trezege maydonga emas, klub boshqaruv tizimiga kirish uchun Buenos-Ayresga keldi. “River Pleyt” uni rahbariyat ishtirokidagi taqdimot marosimida jamoatchilikka tanishtirdi.

Klub Trezegening aniq lavozimini ochiqlamadi, biroq u strategik yo‘nalishlar bo‘yicha ishlashi va “River Pleyt”ni institutsional darajada vakillik qilishi aytildi.

Eslatib o‘tamiz, fransuz futbolchi professional faoliyatini 2015 yilda yakunlagan.