Flik Barselona qishki transferda boshqa futbolchi olmaydi

"Barselona" bosh murabbiyi Hans-Diter Flik klubning transfer bozoridagi rejalariga aniqlik kiritdi. Bu haqda euro-football.ru xabar beradi.

Kataloniyaliklar yanvar oyida tarkibni Joau Kanselu bilan kuchaytirdi: qanot himoyachisi Saudiya Arabistonining "Al-Hilol" klubidan mavsum oxirigacha ijaraga olindi. Flikning so'zlariga ko'ra, bu qishdagi so'nggi qo'shilish bo'lib qoladi.

"Real Ovedo" ustidan 3:0 hisobidagi g'alabadan keyin mutaxassis ehtimoliy yangi transferlar haqida so'ralganda: "Bu oyda endi hech kimni imzolay olmaymiz", — deya javob berdi.

21 turdan so'ng "Barselona" La Liga jadvalida 52 ochko bilan peshqadam bo'lib turibdi va Madriddagi "Real"ni bir ochkoga ortda qoldirmoqda.