Liverpul Konate ketishi mumkin bo'lsa, Botmanni kuzatmoqda

Ibraima Konate yozgi transferlar davrida «Liverpul»ni tark etishi ehtimoli bor. Bu haqda euro-football.ru xabar beradi.

Sports Boom xabariga ko'ra, «qizillar» fransuz himoyachisiga muqobil sifatida «Nyukasl» markaziy himoyachisi Sven Botmanni ko'rib chiqmoqda. Jarohatlar ko'p bo'lganiga qaramay, klub rahbariyati niderlandiyalik futbolchining o'yin sifatlarini yuqori baholamoqda. Agar «Nyukasl» mavsum yakunida Chempionlar ligasiga yo'llanma ololmasa, Botman klubni tark etishi mumkin.

Sven Botman 2022 yilda «Lill»dan «Nyukasl»ga 37 million yevro evaziga o'tgan. Uning amaldagi shartnomasi 2030 yil 30 iyungacha mo'ljallangan. Joriy mavsumda himoyachi barcha musobaqalarda 24 uchrashuvda maydonga tushib, 1 ta gol urdi va 1 ta golli uzatma berdi.