Giorgiy Djikiya Antalyasporidagi holati haqida fikr bildirdi
Turkiyaning «Antalyaspor» klubi himoyachisi Giorgiy Djikiya jamoadagi vaziyati yuzasidan qisqa izoh berdi. 32 yoshli futbolchining so‘zlari aks etgan video «FNL s Ilyovym» telegram-kanalida tarqaldi. Bu haqda euro-football.ru xabar beradi.
Djikiyadan klubdagi ishlari qanday ketayotgani so‘ralganda, u: «Hammasi yaxshi, rahmat», deya javob qaytardi. Keyingi savolda Turkiyadagi sharoit va muhit ko‘ngildagidek ekani haqida so‘ralgach, himoyachi jilmayib: «Turkiyada hammasi joyida», dedi.
Eslatib o‘tamiz, Djikiya «Antalyaspor» safiga o‘tgan yozda qo‘shilgandi. Shundan buyon u jamoa tarkibida 13 ta uchrashuvda maydonga tushib, 2 ta gol urdi.
Hozirda «Antalyaspor» Turkiya Superligasi jadvalida 14-o‘rinda bormoqda. Jamoa navbatdagi o‘yinini 13-fevral kuni o‘z maydonida «Samsunspor»ga qarshi o‘tkazadi.
