Djikiya Antalyaspor dagi holati haqida qisqa javob berdi

"Antalyaspor" himoyachisi Georgiy Djikiya Turkiyadagi faoliyati qanday ketayotgani borasida fikr bildirdi. 32 yoshli futbolchining so'zlari aks etgan videoni "FNL s Ilyovym" telegram-kanali ulashdi. Bu haqda euro-football.ru xabar beradi.

Jikiya klubdagi holati haqida berilgan savolga "hammasi yaxshi" deya javob qaytardi. U Turkiyadagi sharoitlar va muhitdan mamnun ekanini ham tabassum bilan tasdiqladi.

Djikiya "Antalyaspor" safiga o'tgan yozda qo'shilgandi. Shundan beri u jamoa tarkibida 13 ta uchrashuvda maydonga tushib, 2 ta gol urdi.

Hozirda "Antalyaspor" Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13-fevral kuni o'z maydonida "Samsunspor"ga qarshi o'tkazadi.