Oppo Reno 16 va Reno 16 Pro: 200 MP kamera va 7000 mAs batareya
Oppo kompaniyasi 25-may kuni Xitoyda taqdim etilishi kutilayotgan yangi Reno 16 turkumining asosiy texnik xususiyatlarini ochiqladi. Seriyaning bosh oʻziga xosligi shundaki, qurilmalar klassi turlicha boʻlishiga qaramay, har ikki model ham bir xil darajadagi ilgʻor kameralar tizimi bilan jihozlanadi. Bu haqda Ixbt.com xabar beradi.
Oppo Reno 16 va Oppo Reno 16 Pro modellari 200 megapikselli asosiy modul, 50 megapikselli oʻta keng burchakli obʼyektiv hamda 50 megapikselli periskopik teleobʼyektivga ega boʻladi. Shuningdek, suratga olish sifatini oshirish uchun intellektual LED-chaqnoq tizimi ham koʻzda tutilgan.
Texnik jihatdan qurilmalar bir-biridan sezilarli farq qiladi: bazaviy Reno 16 modeli 6,32 dyuymli OLED-displey, Dimensity 8550 chipi va 6700 mAs sigʻimli akkumulyator bilan taʼminlanadi. Pro-versiya esa 6,78 dyuymli ekran, kuchliroq Dimensity 9500s protsessori va simsiz quvvatlashni qoʻllab-quvvatlovchi 7000 mAs batareyaga ega boʻladi.
Har ikki smartfon 16 GB tezkor va 1 TB doimiy xotiragacha boʻlgan konfiguratsiyalarda sotuvga chiqadi. Shuningdek, foydalanuvchilarga yangi ranglar va selfi tushish uchun maxsus Oppo Bubble koʻzguli aksessuari taklif etiladi.
