Vladimir Putin Samarqandga keldi

Rossiya Federasiyasi prezidenti Vladimir Putin, O‘zbekistonning birinchi prezidenti Islom Karimov xotirasiga hurmat bajo keltirish uchun Samarqandga keldi. Bu haqda \"RIA Novosti\"ga asoslanib \"Kun\" xabar berdi.

Rossiya etakchisi yordamchisi Yuriy Ushakovning bayonot berishicha, Putinning Samarqandga safari xususiy safar hisoblanadi.

\"Prezident shaxsan hamdardlik va ta’ziyasini bildirishni xohladi\", - degan Ushakov.

Putinning o‘zi, Katta yigirmatalik sammiti so‘nggida uyushtirilgan matbuot anjumanida \"Karimovning xotirasiga ta’zim bajo keltirish uchun albatta Samarqandga kirib o‘tish\"ini ta’kidlagandi.