Toshkent ko‘chalari yana suv toshqini ostida qoldi

Toshkent ko‘chalarini yana suv bosdi, deya xabar bermoqda «Uz24.uz» Facebook’dagi «Voditeli Tashkenta» guruhi a’zolariga tayanib.

Guruhga joylangan suratlarda Sergelidan «Abu Saxiy» bozoriga ketish yo‘li, Qo‘yliqdagi er osti o‘tish yo‘li aks etgan bo‘lib, ular suv toshqini ostida qolganini ko‘rish mumkin.

Avvalroq Vazirlar Mahkamasi tomonidan 2015 yil 11 fevralda tasdiqlangan Toshkentda favqulodda vaziyatlar sodir bo‘lganida er osti va er usti suv oqimlarining barqaror ishlashini ta’minlash bo‘yicha konsepsiyada Toshkentning irrigasiya-drenaj xo‘jaligi tizimi ishini mukammallashtirishga qaratilgan chora-tadbirlar belgilangani xabar berilgan edi.


Eslatib o‘tamiz, o‘tgan yilning mayida sodir bo‘lgan kuchli yomg‘ir tufayli Toshkentning ko‘pchilik ko‘chalari suv ostida qolgan edi.

Manba: www.daryo.uz