Ayrim poyezdlar qatnovi vaqtincha bekor qilindi

«O‘zbekiston temir yo‘llari»ning xabariga ko‘ra, texnik omillar sabab ayrim yo‘nalishlarda poyezdlar harakati to‘xtatildi.

22–23 sentyabr kunlari 6435/6436-sonli «Toshkent — Xojikent — Toshkent» hamda 7203/7204-sonli «Toshkent — Chinorkent — Toshkent» elektropoyezdlari yo‘lga chiqmaydi.

Shuningdek, 25 sentyabrda «Qo‘qon — Andijon — Qo‘qon» yo‘nalishi bo‘ylab harakatlanishi kerak bo‘lgan 6391/6392-sonli yo‘lovchi poyezdi qatnamaydi.

Ma’lumotga ko‘ra, o‘zgarishlar faqat ko‘rsatilgan kunlardagi reyslarga taalluqli bo‘lib, qolgan barcha poyezdlar jadval asosida odatdagidek qatnovda bo‘ladi.