“O‘zgidromet” surxondaryoliklarni xavfli chang-to‘zonlardan ogohlantirdi

“O‘zgidromet” 3-noyabr kuni Surxondaryo viloyati hamda respublikaning ayrim tog‘li hududlarida shamol kuchayishi haqida ogohlantirish e’lon qildi.

Tashkilot ma’lumotiga ko‘ra, kun davomida shamol tezligi soatiga 13–18 metrgacha yetishi, ayrim mintaqalarda esa chang-to‘zonlar yuzaga kelishi ehtimoli bor.

“Hudud aholisi va mehmonlari kuchli shamol paytida ehtiyot choralarini ko‘rishlari, ochiq havoda uzoq qolmasliklari kerak”, — deyiladi xabarda.

Mutaxassislar shuningdek, ochiq joylarda faoliyatni qisqartirish va tashqariga chiqqanda niqob taqishni tavsiya etmoqda.

Kuchli shamol va chang-to‘zonlar sog‘liq uchun xavfli bo‘lishi, nafas olish tizimiga salbiy ta’sir ko‘rsatishi mumkinligi ta’kidlandi.