O‘zbekistonda yana zilzila kuzatildi

O‘zbekistonning sharqiy hududlarida yana yer silkinishi qayd etildi. Mamlakat seysmologlari ma’lumotiga ko‘ra, epitsentrdagi tebranishlar kuchlanishi 3 ballni tashkil etgan.

Pop tumanida 2–3 ball atrofidagi silkinishlar his qilingan bo‘lib, markazdan taxminan 14 kilometr uzoqlikda ro‘y bergan. Dang‘ara tumanida esa 2 ball darajasidagi yer qimirlashi kuzatilgan — masofa 26 kilometrni tashkil etgan.

Mutaxassislar hozircha xavotirli holat yo‘qligini aytishmoqda. Yer qimirlashi oqibatlari o‘rganilmoqda.