O‘zgidromet havo keskin o‘zgarishi haqida tezkor ogohlantirdi

O‘zbekistonga sovuq havo massalari kirib kelmoqda — O‘zgidromet shu haqda rasmiy ogohlantirish berdi. Qayd etilishicha, 16–17-yanvar kunlariga borib respublika bo‘ylab deyarli barcha hududlarda havo harorati pasayadi: kunduzgi haroratlar ham tushadi, tungi va ertalabki soatlarda sovuq yanada kuchayadi.

Shu bilan birga, antitsiklon ta’sirida ayrim hududlarda qisqa muddatli yog‘ingarchilik — yomg‘ir yoki qor ko‘rinishida kuzatilishi ham prognoz qilinmoqda. Yog‘ingarchilik va shamol natijasida havoda to‘planib qolgan mayda zarrachalar “yuvilib”, atmosfera havosi sifati ma’lum muddatga yaxshilanishi kutilmoqda.