Toshkentda Isroil askari o‘q-dori bilan qo‘lga olindi

Isroil mudofaa armiyasi – SAXALda askarlik muddatini yakunlab, Tailandga dam olishga ketayotgan isroillik askar Toshkent aeroportida bagajida 13 ta patron aniqlanganligi uchun qo‘lga olindi. Bu haqda IzRus saytiga tayanib Sof.uz xabar bermoqda.

Patronlar Toshkentdan tranzit orqali uchishi kerak bo‘lgan bu askarning sumkasi samolyotga o‘tirish chog‘ida tekshirilganda topilgan.

Isroilning O‘zbekistondagi konsuli qo‘lga olingan askarini kelib ko‘rdi.

Voqea yuzasidan surishtiruv ishlari olib borilmoqda.