OTMlarda yangi o‘quv yilida bir yillik to‘lov-kontrakt asosida o‘qitish qiymatlari belgilandi

2015/16 yilgi o‘quv yili uchun Oliy ta’lim muassasalarida to‘lov-kontrakt asosida o‘qishga tavsiya qilingan abiturientlarning o‘qish uchun to‘laydigan qiymatlari belgilandi. Bu haqda O‘zbekiston Respublikasi Oliy va o‘rta maxsus ta’lim vazirligi matbuot xizmati malumotiga asoslanib \"Daryo\" xabar bermoqda.

Abiturientlarni to‘lov-kontrakt asosida qabul qilish O‘zbekiston Respublikasi Prezidentining yoki Vazirlar Mahkamasining tegishli qarori bilan tasdiqlangan qabul kvotalari doirasida yagona qabul qoidalari asosida test sinovlarining ballar reytingi bo‘yicha Davlat komissiyasi tomonidan amalga oshiriladi.

Davlat komissiyasi tomonidan to‘lov-kontrakt asosida o‘qishga tavsiya etilgan abiturientlar uchun to‘lov har yili kontrakt shartlarida ko‘rsatilgan muddatlarda amalga oshiriladi.



Kontrakt shartlari va tomonlarning majburiyatlari, ularning amalga oshirilishi tartibi qonun hujjatlariga muvofiq amalga oshiriladi.

Hujjatlarning PDF shakli bilan ushbu havolada tanishib olishingiz mumkin.