Axborot texnologiyalari vaziriga yangi o‘rinbosar tayinlandi

O‘zbekiston Respublikasi prezidenti Shavkat Mirziyoyevning qarori bilan Axborot texnologiyalari va kommunikatsiyalarini rivojlantirish vaziriga yangi o‘rinbosar tayinlandi.

Endilikda Qahramon Anvarjonovich Yo‘ldoshev O‘zbekiston Respublikasi Axborot texnologiyalari va kommunikatsiyalarini rivojlantirish vazirining o‘rinbosari sifatida ish boshladi.

Eslatib o‘tamiz, 20 fevral kuni Axborot texnologiyalari vazirligiga rahbar tayinlangani, ushbu vazirlik rahbari vazifasini bajaruvchi bo‘lib ishlab kelgan Sherzod Shermatov Innovatsion rivojlanish vazirligi rahbariga o‘rinbosar bo‘lgani xabar qilingandi.