Poytaxtimizda yirik xalqaro forum boshlandi (foto)

Poytaxtimizdagi Simpoziumlar saroyida Moskva davlat xalqaro munosabatlar instituti bitiruvchilarining V xalqaro forumi boshlandi. \"Xalq so‘zi\" nashrining yozishicha, anjumanda mazkur oliy o‘quv yurtini tamomlagan va ayni paytda turli yuqori lavozimlarda faoliyat yuritayotgan davlat arboblari, siyosatchilar, yirik tadbirkorlar ishtirok etmoqda.

^{Foto: Hasan Paydoyev, «Xalq so‘zi»}
Forumda O‘zbekiston Respublikasi Prezidenti Shavkat Mirziyoyevning forum ishtirokchilariga yo‘llagan bayram tabrigini O‘zbekiston Respublikasi Bosh vaziri A.Aripov o‘qib eshittirdi.

^{Foto: Hasan Paydoyev, «Xalq so‘zi»}
Rossiya Federatsiyasi Prezidenti Vladimir Putin ham Moskva davlat xalqaro munosabatlar instituti tashkil etilganining 75 yilligi munosabati bilan tabrik yo‘lladi. Uni MDXM rektori A.Torkunov o‘qib eshittirdi.

^{Foto: Hasan Paydoyev, «Xalq so‘zi»}
Tadbirda Moskva davlat xalqaro munosabatlar instituti madhiyasi yangradi. Uning muallifi Rossiya tashqi ishlar vaziri Sergey Lavrov sanaladi.

^{Foto: Hasan Paydoyev, «Xalq so‘zi»}
Forum davom etmoqda.