Soʻxda Davlat xizmatlari markazining yangi binosi foydalanishga topshirildi (foto)

Fargʻona viloyatining Soʻx tumanida Davlat xizmatlari markazining yangi binosi foydalanishga topshirildi. Bino barcha zamonaviy qulayliklarga ega boʻlib, bir vaqtning oʻzida 30 nafar, bir kunda 400 nafar fuqaroga xizmat koʻrsata oladi. Bu haqda “Daryo” muxbiri xabar bermoqda.

Binoda Bosh vazir qabulxonasi, investorlar uchun xizmat koʻrsatish xonasi, kutish zali, bolalar maydonchasi joylashgan, infokiosk, bankomat va boshqa qulayliklar mavjud. Elektron navbat, internetdan foydalanish uchun bepul WiFi tashkil etilgan.
Markazda 100 ga yaqin davlat xizmatlarini koʻrsatish imkoniyati yaratilgan.